Nakrar jólaligar løtur - okur síggjast kl. 17.00 til jólahald í SALT :-)

Í morgun hava okur øll verið til eina sera góða og hugnaliga jólagudstænastu, ið Hanus Pál stóð fyri. Aftaná fóru okur í fimleikahøllina í Tvøroyrar skúla, har okur dansaðu um træið. Sangurin rungaði í høllini. Nú eru øll farin heim, so friður er í skúlanum, men okur gleða okum til klokkan 17.00, tá ársins jólahald verður í SALT. Okur kunnu gleða okum til leik frá 6. flokki, sang- og tónleikainnsløg. 

Her eru nakrar myndir av jólaligum løtum hjá mið- og hádeildini:

Gentur úr 7. og 8. gingu Lucia í skúlanum úti á Tvøroyri. Eisini vitjaðu tær á Ellisheiminum og á sjúkrahúsinum. 

Danjal las góða, sjálvskrivaða framhaldssøgu hvønn dag, tá jólaevnisvikan var. 

Jólakalendarin hjá Bókasavninum fekk aftur nógv svar upp á spurningarnar í ár. Ársins vinnari, ið varð funnin millum tey við flest røttum svarum, var Saranja í 4. flokki. 

Ársins greytadagur var í gjár. 10. flokkur skipaði dagin og undirhaldið. Okur hugnaðu okum við stuttligum spølum, sangi undir leiðslu av Jens og góðum greyti og køkum frá 9. flokki.